«Բարսելոնայի» ավագ Կառլես Պույոլը հայտարարել է, որ կատալոնցիների հետ նոր պայմանագիր ստորագրելուց առաջ մտածում էր արտասահմանում խաղալու հնարավորության մասին: Պաշտպանը, ում իրենց կազմում կցանկանային տեսնել «Չելսին», «Մանչեսթեր Սիթին», «Ինտերը» և «Միլանը», կապտանռնագույնների հետ երկարաձգել է պայմանագիրը մինչև 2013թ.:

"Հուսով եմ` «Բարսելոնայում» երկար տարիներ կանցկացնեմ, պարզ է, որ այս մրցաշրջանը կավարտեմ այստեղ: Ես ակումբի ղեկավարությանը խնդրել եմ ինձ ժամանակ տալ` մտածելու կարիերայումս  փոփոխությունների շուրջ: Բայց որոշեցի հետագայում էլ մնալ «Բարսայում»: Ոչ ոք չի կարող ինձ ավելին տալ, քան այս ակումբը»,- ասել է Պույոլը Sport-ի հետ հարցազրույցում:

Լուսանկարը` Getty Images-ի