AS-ի
հաղորդմամբ «Ռեալն» ու «Շալկե 04»-ը եկել են համաձայնության և հանդիպելու
են իրար հետ արդեն ավանդական դարձած «Սանտյագո Բեռնաբեու» տիտղոսի համար
խաղում: Դա նշանակում է, որ Ռաուլը այն բանից հետո, ինչ մեկնել է
Գերմանիա, կկարողանա վերադառնալ «Սանտյագո Բեռնաբեու»:
Հանդիպման
վերջնական ժամկետը դեռ որոշված չէ սուպերգավաթի «Ռեալ»-«Բարսելոնա»
հանդպման պատճառով: Սակայն հանդիպման հնարավոր ժամկետը տատանվում է
օգոստոսի 23-ի կամ 24-ի միջև, Լա Լիգայի առաջին տուրից հետո:
«Ռեալն»
ու «Շալկեն» այս մրցաշրջանում կարող էին հանդիպել Չեմպիոնների Լիգայի
շրջանակների եզրափակիչ փուլում` «Ուեմբլիում», բայց Ռաուլի ներկայիս և
նախորդ թիմերի փոխարեն եզրափակչում հայտնվեցին «Ման. Յունայթեդը» և
«Բարսելոնան»:
Ռաուլը իր դեբյուտը «Ռեալում» նշել է 1994 թվականին և
մնացել թիմում մինչև 2010 թվականի ամառ, որից հետո ֆուտբոլիստը
հայատարարել է, որ տեղափոխվում է «Շալկե»:
Ռաուլն այժմ էլ բազմաթիվ
ռեկորդների հեղինակ է, լինելով առաջնության լավագույն ռմբարկու, ինչպես
նաև Լա Լիգայի լավագույն երրորդ ռմբարկուն ամբողջ պատմության ընթացքում,
իր առջևում թողնելով Ուգո Սանչեսին և Գերդ Մյուլլերին: Ռաուլը նաև ՈՒԵՖԱ-ի
պատմության լավագույն ռմբարկուն է իր 73 խփած գնդակներով:
Ռաուլը
«Ռեալում» անցկացրած հանդիպումների քանակով նունպես ռեկորդակիր է և թիմի
լավագույն գոլահարը 323 խփված գնդակներով, թիմի ամբողջ պատմության
ընթացքում: Ռաուլը «Ռեալի» հետ դարձել Իսպանիայի վեցակի չեմպիոն, Իսպանիայի
Սուպերգավաթի քառակի հաղթող, Չեմպիոնների Լիգայի եռակի գավաթակիր,
Եվրոպայի մեկ Սուպերգավաթակիր և երկու միջմայրցամաքային գավաթակիր:
«Ռեալում» իր ողջ կարիերայի ընթացքում ունեցած տիտղոսներով Ռաուլը «Ռեալի»
պամտության չորրորդ հորիզոնականն է զբաղեցնում` զիջելով Ալֆրեդո Դի
Ստեֆանոյին, Խենտոյին, Սանչեսին և Չոնդոյին: |
