|
Անգլիական լրատվամիջոցներում արդեն սկսվել են քննարկումները, թե ով է
փոխարինելու Մանչեսթեր Յունայթեդի գլխավոր մարզչի պաշտոնում՝ Ալեքս
Ֆերգյուսոնին: Հիմնականում տրվում է երկու անուն՝ Ռեալի և Բարսելոնայի
գլխավոր մարզիչներ Ժոզե Մոուրինիո և Պեպ Գվարդիոլա:
Մասնավորապես, այս անգամ, այդ խնդիրը շոշափել է Sunday People-ը, որը
վկայակոչելով Գվարդիոլայի ընկեր, Ուիգանի գլխավոր մարզիչ Ռոբերտո
Մարտինեսին, նշում է, որ վերջինս կարծում է, թե Գվարդիոլան, Բարսելոնայում
կմնա ամենաշատը երկու տարի, որից հետո կգա Անգլիայի Պրեմիեր լիգա:
Զուգահեռաբար նշվում է, որ Ֆերգյուսոնը, ամենաշատը, իր պաշտոնում կմնա
ևս երկու տարի, որից հետո կլքի Յունայթեդը: Նշվում է, որ հիմնական
թեկնածուն, ով կփոխարինի հանրահայտ շոտլանդացուն, դա Մոուրինիոն է, քանի որ
պորտուգալացին նույնպես մեծ ցանկություն ունի վերադառնալ Անգլիա:
Այնուամենայիվ, եզրակացության մեծ նշվում է, որ ոչ ոք հստակ դեռ չի
կարող նշել Ֆերգյուսոնի պաշտոնը ժառանգողի անունը: Միայն ենթադրություն է
արվում, որ հիմնական թեկնածուները լինելու են Մոուրինիոն և Գվարդիոլան,
որոնք իրար հետ կպայքարեն՝ «կարմիր սատանաներին» գլխավորելու համար:
|
