11:38 
11.05.2011
Մադրիդի «Ռեալի» գլխավոր
տնօրեն Խորխե Վալդանոն մեկնաբանել է թիմի գլխավոր մարզիչ Ժոզե Մոուրինյոյի
«լռությունը» «Բարսելոնայի» հետ չեմպիոնների լիգայի կիսաեզրափակիչ
հանդիպումներից հետո, հայտնում է championat.ru-ն՝ հղում կատարելով AS։
Հիշեցնենք, որ պորտուգալացի մասնագետը
որոշել է որոշ ժամանակով չշփվել ԶԼՄ-ների ներկայացուցիչների հետ այն բանից
հետո, երբ ՈՒԵՖԱ-ն որակազրկել է նրան 5 հանդիպումով։ Մոուրինյոն հայտարարել
է, որ ՈՒԵՖԱ-ն որոշումներ է ընդունում հօգուտ «Բարսելոնայի», ինչը
զայրացրել է կատալոնյան ակումբի ներկայացուցիչներին և ՈՒԵՖԱ-ի գործիչներին։
«Մոուրինյոն որոշել է լռել, մինչև որ
իր հետ կապված կրքերը կհանդարտվեն։ Ես կարծում եմ, որ նա կարևոր քայլ է
արել», - ասել է Վալդանոն։
| 
