«Բարսելոնայի» գլխավոր մարզիչ Խոսեպ Գվարդիոլան կիսվել է «Ռեալի» դեմ առաջիկա հանդիպման մասին իր ակնկալիքներով: «Փա՛ռք Աստծո, վաղը դրանով ամեն ինչ կավարտվի: Ես ձգտում էի մոռանալ առաջին խաղում եղած բողոքներն ու դժգոհությունները: Ինձ վրա որոշ ազդեցություն ունեցավ նաև Պինտոյի հեռացումը, որը ես նույնպես չեմ հասկանում: Վաղը մենք պատրաստ ենք ամեն ինչի, քանի որ խաղարկվում է եզրափակիչի ուղեգիրը: Ես բազմիցս հայտարարել եմ, որ մեր նպատակն է բոլոր մրցաշարերում հաղթելը»,- մասնագետի խոսքերը մեջբերում է Totalfootball.am–ը` հղում կատարելով AS-ին: