«Ժոզե Մոուրինյոյի ու նրա թիմի հետ իմ հարաբերությունները շատ լավն են»,-հավաստիացրել է ֆրանսիացի լեգենդար ֆուտբոլիստը Realmadrid.com-ին տված հարցազրույցում:

Զինեդին Զիդանը գոհ է այս մրցաշրջանում «արքայական» ակումբում աշխատելուց: Ֆրանսիացին օրեցօր ավելի է մտերմանում առաջին թիմի հետ ու Մոուրինյոի կողքին աշխատում է կազմի հետ: Զիդանը վստահեցնում է. «Իմ հարաբերությունները Մոուրինյոի ու նրա սաների հետ շատ լավն են: Ես աշխատում եմ նրա կողքին ու փորձում աջակցել ամեն հարցում»: Զիզուն համոզված է այս ներդաշնակ հարաբերությունների կայունության մեջ ու ցանկանում է, որ բոլորը վերջնականապես համոզվեն դրանում. «Ես շատ եմ հարգում Մոուրինյոյին ու գնահատում «Ռեալում» տարած նրա աշխատանքը: Բացի այդ, թիմի վերաբերյալ ցանկացած կարծիք կամ մտահաղացում կիսում եմ միայն նրա հետ»: