Գոնսալո Իգուաինի հեթ-տրիկը 7-րդն էր այս մրցաշրջանում «Արքայական» ակումբի կազմում: Այս 7 հեթ-տրիկներից՝ 4-ը, պատկանում է թիմի գլխավոր ռմբարկու Կրիշտիանու Ռոնալդուին:

Այդ 4 հեթ-տրիկներից՝ 3-ը, Ռոնալդուն խփել է խաղալով առաջնությունում: Գավաթային խաղերում մեկական հեթ-տրիկ են ձևակերպել Ռոնալդուն ու Կարիմ Բենզեման: Իսկ ահա Չեմպիոնների Լիգայում Ֆրանսիացուն հաջողվել է ևս մեկը հեղինակել: 

Միայն երեք այլ թիմերի է հաջողվել հեթ-տրիկ ձևակերպել առաջնությունում («Բարսելոնա»-2, «Սևիլյա», «Ատլետիկո»): Սակայն Մադրիդի «Ռեալը» միակ թիմն է առաջնությունում, որին հաջողվել է հեթ-տրիկ գրանցել 2 տարբեր խաղացողների կողմից՝ Ռոնալդուի ու Իգուաինի: Մարիո Գոմեսի ու Սամուել Էտո'օյի հետ մեկտեղ Բենզեման միակ ֆուտբոլիստն է, ով կարողացել է հեթ-տրիկի հեղինակ դառնալ Չեմպիոնների Լիգայի այս մրցաշրջանում:

Copa Del Rey-ում մեկական անգամ հեթ-տրիկի հեղինակ են դարձել Ռոնալդուն ու Բենզեման՝ գոլերը հեղինակելով «Լևանտեի» դեմ հանդիպման ժամանակ, որտեղ «Բլանկոսները» հաղթեցին 8-0 հաշվով: «Ռեալ Մադրիդին» հետևում են «Բարսելոնան» (Մեսսի), «Ալմերիան» (Ուլլոա), «Դեպորտիվոն» (Ադրիան), և «Լևանտեն» (Ստուանի), որոնք՝ բոլոր առաջնությունները միասին, հեղինակել են մեկ հեթ-տրիկ:

Մեկ այլ լավ ցուցանիշ, որն արտացոլում է Մադրիդի «Ռեալի» խիզախությունը, Կրիշտիանու Ռոնալդուն ու Գոնսալո Իգուաինը կարողացել են Պոկերի հեղինակ դառնալ՝ կրելով Մադրիդիստի մարզաշապիկը: Պորտուգալիայի հավաքականի ֆուտբոլիստն իր Պոկերն հեղինակել է «Ռեալ»-«Ռասինգ» խաղի ժամանակ, երբ «Արքայական» թիմը 6-1 հաշվով հաղթել է: Մինչդեռ Արգենտինայի հավաքականի հարձակվողն իր Պոկերը խփել է 2008/2009թթ.՝ «Մալագայի» դեմ խաղում: 4 Հեթ-տրիկներով, Կրիշտիանուն գլխավորում է Իսպանիայի ռմբարկուների ցուցակը, նրան զիջում են Մեսսին (3), Բենզեման (2) և այլոք: