Հարյուրավոր մադրիդիստներ և ֆուտբոլասերներ եկել էին «Ռեալի» աստղերից ստորագրություն վերցնելու ու շնորհավորելու Արթայական գավաթը նվաճելու առիթով:

Այն հյուրանոցում, որտեղ հանգրվանել էր «Ռեալը», մեծ աշխուժություն էր տիրում`կապված երկրպագուների ավանդական ընդունելության հետ: Սակայն այդ անգամ ոգևորվածությունն ավելի մեծ էր, քանի որ մարդիկ ուզում էին տեսնել Արքայական գավաթի հաղթողներին ու անձամբ շնորհավորել նվաճած տիտղոսի համար: Երկրպագուներին ընդունում էին Ռաուլ Ալբիոլն ու Բենզեման` ջերմորեն ժպտալով, ստորագրություններ բաժանելով ու լուսանկարվելով:

Վալենսիայի "The Westin” հյուրանոցը լի էր հարյուրավոր երկրպագուներով, որոնք ցանկանում էին մի քանի վայրկյան մոտ լինել իրենց կուռքերին: Այս անգամ «Ռեալի» կողմից ավանդաբար կազմակերպվող «ստորագրությունների հանձմանը» ներկայացել էին Ռաուլ Ալբիոլը, որը իր հայրենի քաղաք էր վերադարձել, և Կարիմ Բենզեման:

Երկու ֆուտբոլիստներն էլ ամբողջ ակումբի անունից շնորհակալություն հայտնեցին գավաթային եզրափակչի օրը ստացած ջերմության ու լավ ընդունելության համար: Եվ երախտագիտությունն հայտնելու լավագույն միջոցը երկրպագուների հետ հանդիպումն էր`նրանց հնարավորություն տալով դեմ դիմաց տեսնելու գավաթակիրներին, լուսանկարվելու վերջիններիս հետ, ստանալու մարզաշապիկներ, պոստերներ, ու հատկապես մեծ ուրախություն առաջացրած տոմսեր`«Ռեալ»-«Բարսելոնա» խաղի համար: