«Մանչեսթեր Յունայթեդի»
գլխավոր մարզիչ սեր Ալեքս Ֆերգյուսոնը չի հավատում, որ «Արսենալը»
կկարողանա իր թիմին մրցակցություն ցուցաբերել Պրեմիեր լիգայի տիտղոսի համար
պայքարում, կարծելով, որ Արսեն Վենգերի թիմին խանգարում է փորձի
բացակայությունը։ Ըստ շոտլանդացի մասնագետի՝ իսկական վտանգ ներկայացնողը
«Չելսին» է։
Մրցաշարի ավարտից հինգ տուր առաջ
«Մանչեսթեր Յունայթեդը» առաջ է «Չելսիից» և «Արսենալից» վեց միավորով և
մաթեմատիկորեն երկու լոնդոնյան ակումբներն էլ հավասար հնարավորություններ
ունեն տիտղոսի համար պայքարելու, սակայն Ալեքս Ֆերգյուսոնը կարծում է, որ
այդ երկու թիմերից վտանգը պետք է սպասել Կարլո Անչելոտիի սաներից։
«Եթե նայենք այդ երկու թիմերին, ապա
«Չելսին» շատ ավելի մեծ փորձ ունի, քան «Արսենալը», - շոտլանդացի մասնագետի
խոսքերն է մեջբերում ukfootball.ru-ն։ - Նրանք ունեն փորձառու և ուժեղ
թիմ, և դա է նրանց միջև տարբերությունը։ «Արսենալի» ֆուտբոլիստները լավն
են, սակայան «Չելսին» էլ լավ թիմ է»։
«Ես դեռևս մի քանի շաբաթ առաջ եմ ասել,
որ մեր հիմնական մրցակիցը կլինի «Չելսին», և հիմա էլ նրանք մրցաշարային
աղյուսակում զբաղեցնում են ավելի բարձր հորիզոնական, քան «Արսենալը»։
«Ես հասկանում եմ, որ երկու թիմերն էլ
մեզանից հետ են վեց միավորով և կարող են համարվել մեր մրցակիցները, սակայն
ես նախապատվությունը տալիս եմ «Չելսիին», քանի որ նրանց խաղացանկը ավելի
թեթև է։ Սակայն, նրանք դեռ պետք է գան «Օլդ Տրաֆորդ», և նրանց այստեղ
հաստատ հեշտ չի լինի»։
«Եթե մենք շաբաթ օրը հաղթենք
«Էվերտոնին», ապա մրցաշարի ավարտից 4 փուլ առաջ մենք կունենանք ամենաքիչը
վեց միավորի առավելություն։ Ես այսպես եմ դիտարկում այդ ամենը. վաղ թե ուշ
խաղերը կավարտվեն» ։
| 
