Այսօր մեկնարկում է Պրեմիեր լիգայի 35-րդ տուրը, որի կենտրոնական հանդիպումը տեղի է ունենալու Լոնդոնի «Emirates» մարզադաշտում, ուր ուժերը կչափեն Արսենալն ու Մանչեսթեր Յունայթեդը: Կարելի է ասել, որ հաղթանակի դեպքում, Յունայթեդը, մրցաշրջանի ավարտից երեք տուր առաջ, գործնականում կապահովի չեմպիոնական տիտղոսը: Մանչեսթեր Յունայթեդի չեմպիոնությունը միանգամայն առարկայական կդառնա նաև այն պարագայում, եթե երկրորդ տեղում ընթացող Չելսին, այս տուրում, չկարողանա առավելության հասնել Տոտենհեմի նկատմամբ: «Ստամֆորդ Բրիջ»-ում կայանալիք այս հանդիպան արդյունքը ևս վճռորոշ նշանակություն կարող է ունենալ եվրոգավաթների ուղեգրերի բաշխման հարցում: Տոտենհեմին ևս խիստ անհրաժեշտ են միավորներ, որպեսզի եկող մրցաշրջանում էլ հնարավորություն ունենա մասնակցել եվրոգավաթներին: Բացի այդ, լոնդոնյան այդ թիմից ընդհամենը երեք միավոր է ետ մնում Լիվերպուլը, որն այս տուրում, սեփական հարկի տակ, ընդունելու է Նյուքասլին:

Անգլիայի Պրեմիեր լիգայի 35-րդ տուրի խաղացանկ և ժամանակացույց.

Շաբաթ, 30/04

19:00  Բլեքբերն - Բոլթոն
19:00  Բլեքփուլ - Սթոք Սիթի
19:00  Սանդերլանդ - Ֆուլհեմ
19:00  Վեսթ Բրոմվիչ - Ասթոն Վիլլա
19:00  Ուիգան - Էվերթոն
21:30  Չելսի - Տոտենհեմ

Կիրակի, 1/05

16:00  Բիրմինգհեմ - Վուլվեհեմպթոն
16:00  Լիվերպուլ - Նյուքասլ
18:05  Արսենալ - Մանչեսթեր Յ.
20:05  Մանչեսթեր Սիթի - Վեսթ Հեմ