Չնայած հաղթական հաշվի էր սպասում, Ալվարո Արբելոան գոհ մնաց առաջին կլասիկոյի արդյունքից ու թիմի գործողություններից: Երկրորդ խաղակեցին դաշտ դուրս եկած պաշտպանը հավաստիացրեց, որ խաղի միջին հատվածում զգացողությունները տպավորիչ էին: Արբելոան ընդգծեց նաև իր թիմի ընդհանուր հաջող խաղը, մանավանդ, երբ 10-ը 11-ի դեմ էին խաղում: 

Վերլուծելով հանդիպումը` Արբելոան նշեց. «Խաղալով 10 հոգով և պարտվելիս լինելով, ոչ-ոքին վատ արդյունք չէ: Իհարկե հաղթանակի էինք ձգտում Լա լիգայում որոշակի հնարավորություններ պահպանելու համար, սակայն, ցավոք, առաջնությունում գործերը շատ բարդացան»: Իսկ Ռիկարդո Կառվալյուն ասաց. «Կարևորն այն է, որ մնալով 10 հոգով ու զիջելով հաշվի մեջ`կարողացանք ուժ հավաքել ու հաշիվը հավասարեցնելու կամք դրսևորել»: 

Արբելոան ու Կառվալյուն խոսեցին այն զգացողություններից, որ ունեցան իրենց մշտական հակառակորդի դեմ պայքարից. «Լավ էինք գործում, հատկապես, երբ դեռ հավասար թվով ֆուտբոլիստներ էին խաղում: Մեր դարպասի մոտ այդքան շատ պահեր չունեցան, այնինչ մենք բավականին գոլային պահեր ստեղծեցինք»,-ասաց Արբելոան: Կառվալյուն նշեց. «Մեր թիմը լավ հանդես եկավ: Նրանցից կրած վերջին պարտությունից հետո կարողացանք բնավորություն ցույց տալ, ինչը ամենից կարևորն էր»: 

Այժմ «Ռեալին» ու «Բարսելոնին» մնում է հանդիպել Արքայական գավաթի եզրափակչում ու Չեմպիոնների լիգայում: Այս առիքով Կառվլյուն հավատում է իր թիմի հնարավորություններին. «Կարող էինք ավելի լավ խաղալ, բայց դժգոհ չենք: Եթե շարունակենք նույն ոգով, հաջորդ խաղերում հաղթելու հնարավորությունները մեծ են: Ցավոք չեմ կարողանա մասնակցել կիսաեզրափակչի առաջին խաղին, բայց հուսով եմ, որ թիմը կկարողանա լավ արդյունք գրանցել պատասխան հանդիպումից առաջ»: 

Մարսելոն չցանկացավ քննարկել Մունյիս Ֆերնանդեսի գործողությունները. «Չեմ ուզում խոսել մրցավարից, ստիպված ենք ընդունել ցանկացած որոշում`լինի դա արդարացի թե ոչ»: Վերջում բրազիլացին ավելացրեց, որ պետք է կենտրոնանալ Արքայական գավաթի հանդիպման վրա. «Շատ բարդ խաղ է ստացվելու: Բոլորս անչափ շատ ենք ուզում հաղթել»:

Armin R.M., Realmadrid.am