Ինչպես տեղեկացնում է ՀՖՖ մրցումների կազմակերպման և անցկացման բաժինը, Հայաստանի Բարձրագույն խմբի առաջնության խաղացանկում տեղի են ունեցել փոփոխություններ: Ապրիլի 23-ին ժամը 16:00-ին նշանակված Բարձրագույն խմբի առաջնության 6-րդ տուրի «Բանանց»-«Շիրակ» հանդիպումը կկայանա «Հանրապետական» մարզադաշտում: Այս մրցաշրջանի ընթացքում «Բանանցի» սեփական հարկի տակ հանդիպումները նախատեսված էին «Նաիրի» մարզադաշտում, սակայն հետո որոշում կայացվեց խաղալ «Բանանցի» արհեստական խոտածածկով խաղադաշտում, ապա թիմը սեփական հարկի տակ հանդիպումներ անցկացրեց նաև «Հրազդան» ու «Միկա» մարզադաշտերում: «Բանանցի» այս տեղափոխություններին վերջ կդրվի մայիսի ութին, երբ կգործարկվի ակումբի սեփական մարզադաշտը:

Мне нравится

Отметки "нравится": 1069. Регистрация, чтобы посмотреть, что нравится Вашим друзьям.