Երեկ տեղի է ունեցել Ֆրանսիայի առաջնության 32-րդ տուրը: ՊՍԺ-ն, որի կազմում հանդես է գալիս Հայաստանի հավաքականի թեկնածու, կամերունցի դարպասապահ Էդել Ապուլա Բետեն, արտագնա խաղ է ունեցել «Բրեստի» հետ:

Փարիզցիների հիմնական կազմում հանդիպման առաջին րոպեներից խաղադաշտ է դուրս եկել  թիմի հիմնական դարպասապահ Գրեգորի Կուպեն, սակայն 34-րդ րոպեին ստացած աճուկի վնասվածքի պատճառով լքել է խաղադաշտը: Նրան փոխարինել է Բետեն:

Այդ պահին ՊՍԺ-ն հաղթում էր նվազագույն հաշվով: Արդեն 37-րդ րոպեին Բետեն սխալ է թույլ տվել իր տուգանայինում' չկարողանալով  ժամանակին հասնել գնդակին: Արդյունքում «Բրեստը» հաշիվը հավասարեցնել 11 մետրանոցի շնորհիվ:

Առաջին խաղակեսի վերջին րոպեին Գրուժին ևս մեկ գնդակ է խփելՊՍԺ-ի դարպասը'առաջ մղելով «Բրեստին»:  Այդ դրվագում գնդակը սահել է Բետեի ոտքերի արանքով: Երկրորդ խաղակեսում սակայն ՊՍԺ-ն կարողացել է հանդիպումն ավարտել ոչ-ոքի ելքով:

Խաղից հետո Բետեն ներողություն է խնդրել թիմի երկրպագուներից բաց թողած երկու գոլերի համար: Նա նաև հայտարարել է, որ պատրաստվում է իր ելույթները շարունակել թիմի կազմում նաև հաջորդ տարի:

Համաձայն նոր պայմանագրի' կամերունցի դարպասապահն ամսական ստանալու է 70 հազար եվրո:

Լուսանկարը` Leparisien.fr-ի