Եթե աշխարհի 7 հրաշալիքները, լինելով
մարդածին, իրենց պատմությամբ բացառիկ արժեք են ներկայացնում, ապա կրկնակի,
եռակի ու քառակի արժեք է ներկայացնում «Աստվածածին Հրաշքը»: Այսօր
«Ռեալի» բրազիլացի կիսապաշտպան Ռիկարդո Կական նշում է իր 29-րդ տարեդարձը:
Արդյո՞ք կա ավելի սիրված ֆուտբոլիստ Եվրոպայում. միգուցե կա: Եթե զուտ
մակերեսորեն հայացք դարձնենք Կակայի անցած 29 տարիներին, ապա ականատես
կլինենք «փայլուն կյանքի» եզակի օրինակներից մեկին: Եվ մեր հերոսը անխոս
արժանի է դրան: Ռեալմադրիդ.ամ-ը նույնպես շնորհավորում է Ռիկարդոյի
ծնունդը և մաղթում, որ արքայական գավաթը վերջին տիտղոսը չլինի «Ռեալի»
կազմում: Նաև ցանկանում ենք ձեզ ներկայացնել մեր կողմից պատրաստված վիդեոն,
որը համառոտ և նկարների տեսքով ներկայացնում է Ռիկարդոյի 29 տարիները:
