«Չելսիի» դարպասապահ Պետր Չեխը
մեկնաբանել է այն փաստը, որ իր թիմն Անգլիայի առաջնությունում բարձրացել է
երկրորդ հորիզոնական: Հիշեցնենք, որ «Բիրմինհեմի» նկատմամբ տոնած
հաղթանակի շնորհիվ «Չելսին» միավորներով հավասարվեց «Արսենալին», որը
չկարողացավ հաղթել «Տոտենհեմին»: Այս պահին երկու թիմերն էլ ունեն 64
միավոր, սակայն «Չելսին» խփած և բաց թողած գոլերի ավելի լավ ցուցանիշ ունի:
«Արսենալը» շատ կարևոր հանդիպում
ունեցավ «Տոտենհեմի» հետ: Նրանք հաշվի մեջ առաջ էին' 3:1, սակայն
արդյունքում բաց թողեցին հաղթանակը: Հիմա «Արսենալը» մրցաշարային աղյուսակի
երրորդ հորիզոնականում է գտնվում երկար ընդմիջումից հետո: «Արսենալը» շատ
հնարավորություններ ուներ այս մրցաշրջանում, որպեսզի կրճատեր «Մանչեսթեր
Յունայթեդի» հետ տարբերությունը, սակայն նրանք չօգտագործեցին իրենց
հնարավորությունը»,-Չեխին է մեջբերում Sky Sports-ը:
«Չելսիի» դարպասապահը նշել է նաև, որ
իր թիմը մտադիր է Անգլիայի չեմպիոնի տիտղոսի համար պայքարել մինչև
մրցաշրջանի ավարտը: «Մենք ասում էինք երկար ժամանակ, որ ցանկանում են
հաղթել և ճնշում գործադրել «Մանչեսթեր Յունայթեդի» վրա: «Արսենալին» ծանր
խաղեր են սպասվում, իսկ «Մանչեսթեր Յունայթեդը» պետք է հաղթի մեզ և
«Արսենալին»: Այնպես, որ նրանք կարող են վեց միավոր կորցնել: Մենք սեփական
հարկի տակ դեռ պետք է խաղեր անցկացնենք «Վեսթ Հեմի» և «Տոտենհեմի» դեմ, և
եթե մենք նրանց հաղթենք, իրավիճակը կարող է փոխվել: «Չելսին» մի քանի ամիս
առաջ ավելի վատ վիճակում էր, հիմա մեր մարզավիճակը նորմալ է»,-հայտարարել է
Չեխը:
|
