|
La Gazzetta dello Sport-ը տեղեկացնում է, որ Իտալիայի Ա Սերիայի 34-րդ
տուրում, Ալեսանդրո Դել Պիերոյի՝ Կատանիայի դարպասը խփած գոլը ռեկորդային
էր:
Դա Դել Պիերոյի՝ թվով 283-րդ գոլն էր, որով նա դարձավ իտալական ֆուտբոլի
պատմության մեջ, մեկ ակումբի կազմում, ամենաշատ գոլեր խփած ֆուտբոլիստը:
Նա գերազանցեց լեգենդար մեկ այլ ֆուտբոլիստի՝ Ջուզեպպե Մեացցայի
ցուցանիշը, ով հեղինակել է 282 գոլ:
«Բնականաբար, երջանիկ եմ, որ կարողացա այդպիսի ձեռքբերման հեղինակ
դառնալ, սակայն դա պարզապես վիճակագրություն է և ոչ ավելին: Գոլեր խփելն իմ
աշխատանքն է: Եթե դա իմ ակումբին օգուտ է բերում, դա նշանակում է, որ
լուծում եմ իմ առջև դրված խնդիրը»,- նշել է Դել Պիերոն:
|
