|
Բրիտանական Sun-ը տեղեկացնում է, որ Դիդիե Դրոգբան, հաջորդ շաբաթ,
կհանդիպի Չելսիի տնօրենության հետ, որպեսզի որոշում կայացնի իր ապագայի
վերաբերյալ: Դրոգբան ցանկանում է պարզել, թե ինչ են մտածում իր մասին թիմի
ղեկավարությունն ու մարզչական կազմը, որպեսզի ըստ դրա, կողմնորոշվի այլ
թիմերից ստացված առաջարկների պատասխանի հարցում:
Մտահոգվելու առիթ, Դրոգբան ունի, քանի որ Ֆերնանդո Տորրեսի՝ Չելսի
գալուց հետո, այնքան էլ հաճախ չի հայտնվում թիմի մեկնարկային կազմում կամ
խաղադաշտում չի անցկացնում 90 րոպե: Դա կարող է կտրուլ փոխվել նաև այն
պարագայում, երբ վերջապես Տորրեսը կկարողանա վերագտնել իր խաղը: Այդ
դեպքում Դրոգբայի ապագան էլ ավելի մշուշոտ է դառնում:
Աղբյուրը հայտնում է նաև, որ այդ մեկ հանդիպումը չի կարող վճռորոշ
լինել, քանի որ Անչելոտտիի ապագան ևս պարզ չէ, իսկ նրա հեռացումից հետո,
նոր մարզչի կարծիքը՝ Դրոգբայի վերաբերյալ, կարող է այլ լինել:
|
