Ավարտվեց «Ռեալ»-«Բարսելոնա» հերթական Էլ Կլասիկոն: Այս անգամ թիմերը ոչ-ոքի ավարտեցին հանդիպումը՝ յուրաքանչյուրն հեղինակելով 1 գնդակ: Առաջնության այս ոչ կարևոր նշանակություն, բայց միևնույն ժամանակ մեծ հետաքրքրություն առաջացնող խաղն իրական ֆուտբոլային ներկայացում էր՝ համեմված դեղին քարտերի տարափով, կարմիր քարտով ու 2 տասնմեկ մետրանոցով, որոնք, երկու թիմերի առաջատարները դիպուկ իրացնելով՝ ձևակերպեցին հանդիպման հաշիվը՝ 1-1: Հանդիպման արդյունքը չի կարելի չափազանց վատ համարել «արքայական» թիմի համար, քանզի 2-րդ խաղակեսի սկզբնամասում՝ 51-րդ րոպեին, Մայրաքաղաքայինները մնացել էին 10 հոգով: Չի կարելի նաև չհիշել Պեպեի ցուցադրած խաղը, որը կարծում ենք՝ լավագույններից էր, եթե ոչ լավագույնը:

Այսպիսով՝ միավորների տարբերությունը երկու թիմերի միջև պահպանվում է: Առջևում Գավաթային եզրափակիչն է:

Գոլերը՝ 54-րդ րոպե - Լիոնել Մեսսի (11 Մետրանոց), 84-րդ րոպե - Կրիշտիանու Ռոնալդու (11 Մետրանոց).

Հեռացում՝ Ռաուլ Ալբիոլ.