«Վալենսիայի» կիսապաշտպան Էվեր Բանեգան  Իսպանիայի առաջնության Մադրիդի «Ռեալի» հետ  հանդիպման նախաշեմին նշել է, որ իր թիմը մտադիր է լրջորեն պայքարել  երեք միավորի համար:

«Մեր նպատակի' Չեմպիոնների լիգայի վերադարձի  համար մեզ երեք միավոր է պակասում: Եւ մենք շատ լրջորեն ենք պատրաստվում պայքարել»,-հայտարարել է Բանեգան:

Հաշվի առնելով այն հանգամանքը, որ «Ռեալը» վերջերս է Իսպանիայի գավաթի եզրափակչում 120 րոպե խաղացել,  բացառված չէ, որ  մայրաքաղաքային թիմի գլխավոր մարզիչ Ժոզե Մոուրինյոն «Վալենսիայի» հետ հանդիպմանը պահեստային կազմը դուրս կբերի:

«Կարևոր չէ, թե «Ռեալի» կազմում ով դուրս կգա խաղադաշտ: Մոուրինյոն կարող է ում ցանկանա դուրս բերի խաղադաշտ, մենք շատ ենք ցանկանում նրանց հաղթել»,-ասել է Բանեգան:

Աղբյուր` sovsport.ru

Լուսանկարը` football.ua-ի