Քիչ ժամանակ է մնացել իսպանական, ինչու չէ նաև աշխարհի լավագույն դերբիին՝ Ռեալ-Բարսելոնա դիմակայությանը: Հաշվի առնելով այս խաղին նկատմամբ նաև հայ ֆուտբոլասերների ունեցած մեծ հետաքրքրությունն՝  Gol-bet.com կայքը կփորձի անդրադառնալ ֆուտբոլային այս մեծ դիմակայության պատմության մեջ գրանցված հետաքրքիր վիճակագրությանը: 

Զրո է Քրիստիանո Ռոնալդոյի գոլերի քանակը Բարսելոնայի դեմ խաղացած 5 հանդիպումներում:

Յոթ անգամ է Լիո Մեսսին կարողացել գրավել Ռեալի դարպասը, ընդ որում նա այդքան գոլեր է խփել ընդհամենը 8 հանդիպումներում: Կասիլիասի պաշտպանած դարպասը յոթ անգամ է կարողացել գրավել նաև Դավիդ Վիլիան (Վալենսիա, Բարսելոնա): Այդ հարցում, ռեկորդակիր է Էտո'Օն, ով կարողացել է Կասիլիասի դարպասը գրավել ութ անգամ:

Զրո է Մեսսիի գոլերի քանակը՝ Մոուրինիոյի գլխավոր թիմերի հետ կայացած ութ հանդիպումներում:

Երեք է Ժոզե Մոուրինիոյի գլխավորած թիմերի՝ Բարսելոնայի նկատմամբ տարած հաղթանակների քանակը, նույնքան ոչ ոքիի և հինգ պարտությունների դիմաց:

Հինգ անգամ է Գվարդիոլան, իբրև Բարսելոնայի մարզիչ, դիմակայել Ռեալին և բոլոր հանդիպումներում էլ հասել է հաղթանակի:

12 գոլ մեկ խաղում, որը համարվում է ռեկորդային El Clasico-ի պատմության մեջ: Այդքան գնդակ գրանցվել էլ 1916 թ., երբ արձանագրվել է 6-6 հաշիվ և 11-1՝ 1943 թ., երբ Ռեալը, Իսպանիայի գավաթի կիսաեզրափակիչում, ջախջախել է Բարսելոնային:

18 է «Կլասիկո»-ի պատմության մեջ Ալֆրեդո դի Ստեֆանոյի գոլերի քանակը: Նա այդ դիմակայությունում համարվում է լավագույն ռմբարկուն: Ավելացնենք, որ ոչ ոք նման արդյունքի չի հասել եվրոպական ցանկացած մեծ դերբիի դիմակայության պատմության մեջ: Նրան հաջորդում է Ռաուլը՝ 15 գոլով:

20 է Ֆերնանդո Հիերոյի ստացած դեղին քարտերի քանակը՝ Կլասիկոյի պատմության մեջ. Նա երեք անգամ հեռացվել է նաև խաղադաշտից: Այս հարցում, Հիերոն ռեկորդակիր է:

33  է ֆուտբոլիստների թիվը, որոնք տարբեր ժամանակների հանդես են եկել և Բարսելոնայում և Ռեալում:

209 է երկու թիմերի միջև կայացած պաշտոնական հանդիպումներ քանակը, որոնցից Ռեալն ունի 85 իսկ Բարսելոնան 82 հաղթանակ: 42 խաղերում թիմերը բաժանվել են խաղաղությամբ:

50 անգամ է Ռեալի՝ Բարսելոնայի նկատմամբ տոնած հաղթանակների թիվը՝ սեփական հարկի տակ: Արքայական ակումբը 14 հանդիպում ավարտել է ոչ-ոքի, իսկ 18-ում կրել է պարտություն:

Հավելենք, որ ընդհանուր առմամբ, «Կլասիկո»-ի պատմության մեջ, Ռեալը կարողացել է գրավել Բարսելոնայի դարպասը 262 անգամ, իսկ կատալոնյան ակումբը՝ 250: