«Ռեալի» ու «Բարսելոնայի» նախագահները` Ֆլորենտինո Պերեսն ու Սանդրո Ռոսելը, խոսել են լրատվամիջոցների ներկայացուցիչների հետ խաղից առաջ: Նրանք նշեցին, որ այս ու հաջորդ խաղերը միայն երկրպագուների համար են, իսկ երկու ակումբների միջև ոչ մի լարվածություն չկա:

ՖԼՈՐԵՆՏԻՆՈ ՊԵՐԵՍ.
«Մենք ուզում ենք, որ «Բարսելոնայի» ներկայացուցիչները իրենց զգան ինչպես տանը, իսկ խաղը մեզ պարգևի սուր զգացողություններ: Ողջ Իսպանիան ու ամբողջ աշխարհւ հետևելու են այս խաղին, իսկ 18 օրում 4 անգամ խաղալը, կարծում եմ, ճակատագիր է: Դա մեզ ստիպում է ավելի երջանիկ լինել»:

«Ես երբեք կանխատեսումներ չեմ արել, այսօր էլ չեմ անի, բայց կարող եմ ասել, որ ոչ մեկ չի նեղացել այն մատնանշումներից, որ արվում են` հիշեցնելով նախորդ խաղի 5-0 հաշիվը: Դա ֆուտբոլի մի մասն է, և մարդիկ չպետք է դրան մեծ ուշադրություն դարձնեն»:

«Վստահ եմ, որ այսօրվա խաղի ելքը կազդի մյուս խաղերի վրա, բայց երբեք չես կարող ասել, թե ինչպես կազդի: «Ռեալում» շատ երջանիկ են: Մենք ունենք մեծ խաղացողներ ու աշխարհի լավագույն մարզչին, դրա համար էլ մեծ հույսեր ունենք: Այս կեցվածքը միակն ու անխախտելին է, որ մենք կարող ենք ընդունել»:

ՍԱՆԴՐՈ ՌՈՍԵԼ.
«Ես հուսով եմ, որ այսօր կլինի արդար խաղ: Եթե նույնիսկ բարեգործական խաղից առաջ կանխատեսեի 5-0 հաշիվը, ապա կսխալվեի: Բայց կարող եմ ասել, որ այս հակամարտությունից մենք ավելի շատ բան ստացանք, քան կարելի էր ենթադրել: Մարդիկ իմ խոսքերը կոնտեքստից են ընկալում: Մարդիկ, ովքեր քննադատում են մյուսներին, երբեմն չեն հասկանում, որ դա վիրավորում է դիմացինին, ինչը չի կարելի անել»:

«Ամեն ինչ կյանքում փոխկապակցված է, բայց չեմ ասի, թե այս խաղի արդյունքը դրական կամ բացասկան ազդեցություն կունենա մյուս խաղերի վրա: Մի խաղում հաղթելով կարող ես ավելի մեծացնել դիմացինի մեջ ձգտումը ու ավելի ուժեղ դարձնել նրան: Երբեք չես կարող կանխատեսել ապագան»: