"Արսենալի” և Իսպանիայի հավաքականի կիսապաշտպան Սեսկ Ֆաբրեգասը յոթ տարի տևած հարաբերություններից հետո բաժանվել է Կառլա Գարսիայից: Զույգը ծանոթացել էր 2004թ., երբ ֆուտբոլիստը կատալոնական "Բարսելոնայից” տեղափոխվել էր անգլիական ակումբ, հաղորդում է gazeta.ru-ն:
"Դա պարզապես անհավանական է: Նրանք բավական երկար ժամանակ միասին էին: Կառլան շատ գեղեցիկ աղջիկ է: Ես չեմ հասկանում որդուս որոշումը: Միգուցե նա ցանկանում է անկախ լինել”, - ասել է Ֆաբրեգասի հայրը:
"Նրանք հիանալի զույգ էին: Մենք բոլորս վստահ էինք, որ նրանց պսակադրությունն ընդամենը ժամանակի հարց է: Հուսով եմ, որ նրանք գոնե լավ ընկերներ կմնան, վերջ ի վերջո, նրանք յոթ տարի միասին են եղել”, - պատմել է զույգի ընկերներից մեկը:
Լուրեր են պտտվում, որ այս բաժանումը որևէ կերպ կապ ունի իսպանացու` "Բարսելոնա” հնարավոր տեղափոխության հետ: Հիշեցնենք, որ կատալոնացիները պատրաստ են Սեսկի դիմաց վճարել 40 մլն ֆունտ:
30.04.2011 
