"Մանչեսթեր Յունայթեդի” գլխավոր մարզիչ Ալեքս Ֆերգյուսոնը "Շալկեի” հետ կայանալիք կիսաեզրափակիչ հանդիպման նախաշեմին հայտարարել է, որ գոհ է թիմի ներկայիս վիճակից, բայց միևնույն ժամանակ  դրական  է արտահայտվել  նաև գերմանական թիմի վերաբերյալ: 

 "Վերջին երկու ամիսներին Ուեյն Ռունին ֆանտաստիկ մարզավիճակ է ձեռք բերել, բայց շատ ավելի կարևոր է, որպեսզի ողջ թիմը պատրաստ լինի, որպեսզի շարք վերադառնան Անտոնի Վալենսիան, Ռիո Ֆերդինանդը, Անդերսոնը և Պակ Չժի Սունը”, -  Ֆերգյուսոնի խոսքերն է մեջբերում ՈւԵՖԱ-ի պաշտոնական կայքը:
 
"Դիտելով շաբաթ օրը կայացած հանդիպումը` դուք կարող էիք համոզվել, որ այս թիմը չի պատրաստվում զիջել ոչ ոքի: Իմ ֆուտբոլիստները ոչ մի դեպքում չեն պատրաստվում հանձնվել:

Նրանք եվրագավաթներում հանդես գալու մեծ փորձ ունեն: Մենք այժմ անհրաժեշտ մարզավիճակում ենք: Ինչ վերաբերում է եվրագավաթային ելույթներին, այստեղ միշտ մեծ ակնկալիքներ են ունեցել մեր թիմից: Մենք խանդով ենք վերաբերվում այլ ակումբների հաջողություններին և փորձում ենք այդ հարցում նմանվել այնպիսի թիմերի, ինչպիսիք են "Ռեալը”, "Միլանը”, "Բավարիան”, "Այաքսը” և "Լիվերպուլը”:  Մենք պետք է արագ առաջադիմենք կրկին չեմպիոնական մակարդակի հասնելու  համար:

Մրցաշարի տվյալ փուլում  միշտ մտավախություն է առաջանում արդյունքի համար: Վերջին տարիներին մենք բազմիցս հայտնվել ենք նման իրավիճակներում: 2008թ. մենք հանդիպել ենք "Բարսելոնայի” հետ և առաջին խաղում անհրաժեշտ արդյունքի հասել: Սակայն պատասխան խաղի վերջին երկու րոպեները իսկական մղձավանջ էին: Կիսաեզրափակչում հեշտ հանդիպումներ չեն լինում: 

 "Շալկեն” երբեք չի կորցնում նախաձեռնությունը, ինչի համար մեծ հարգանքի է արժանի` հաշվի առնելով "Ինտերի” փորձը: Այդ հանդիպումը դիտելիս ես նույնիսկ չէի էլ մտածում, որ գերմանացիենրը կարող են պարտվել: Հիմնականում նրանք վերահսկում էին խաղի ընթացքը, և նույնիսկ երբ "Ինտերն” ակտիվանում էր, "Շալկեն” հաջող փակում էր նրանց գրոհները: Ինձ վրա այդ թիմը լավ տպավորություն է գործել: 

Լուսանկարը` Reuters-ի