«Մանչեսթեր Յունայթեդի» գլխավոր մարզիչ սեր Ալեքս Ֆերգյուսոնը Չեմպիոնների լիգայի կիսաեզրափակիչ առաջին հանդիպումից հետո, որը ավարտվել է «Յունայթեդի» հաղթանակով (2:0),  հիացած էր  «Շալկեի» դարպասապահ Մանուէլ Նոյերի ցուցադրած խաղով։

«Մենք գիտենք, որ Նոյերը կտեղափոխվի «Բավարիա», սակայն այսօր նա ուղղակի ֆանտաստիկ էր։ Սա դարպասապահների ամենալավ ելույթներից մեկն էր, որը ես տեսել եմ «Մանչեսթեր Յունայթեդի» հետ հանդիպումների ժամանակ» ,  - շոտլանդացի մասնագետի խոսքերն է մեջբերում Sky Sports-ը։

Խոսելով խաղից՝ Ֆերգյուսոնը նշել է, որ լիովին գոհ է իր սաների գործողություններով։

«Մենք խաղում էինք շատ ուշադիր։ Մենք շատ արագ էինք փոխանցում գնդակը։ Այսօր իմ թիմը ցուցադրեց բարձր մակարդակի ֆուտբոլ», - ասել է Ֆերգյուսոնը։

Լուսանկարը՝ Getty Images-ի