Ալեքս
Ֆերգյուսոնը «Ռեալին» է ուզում տեսնել Չեմպիոնների լիգայի եզրափակչում,
չնայած որ վերջինս հիանալի մարզավիճակում է ու «Բարսելոնի» հետ խաղում
ֆավորիտ է համարվում: Պետք չէ մոռանալ նաև, որ «Մանչեստրը» դեռ պետք է
հաղթահարի «Շալկե 04-ի» արգելքը:
"Sky
Sports”-ին տված իր հարցազրույցում Ֆերգյուսոնը նշել է, որ «Ռեալի»
առավելությունը ամենից շատ հոգեբանական է լինելու`կապված Արքայական գավաթը
նվաճելու հետ: «Վիճակահանության ավարտի պահից ի վեր կարծում էի, որ
հասնելու են կիսաեզրափակիչ, քանի որ ստացած 5-0-ի հարվածը պետք է որ շատ
խոցած լիներ Մոուրինյոյի հպարտությունը: Համոզված եմ, որ նման հաշիվ երկար
ժամանակ չի կրկնվի»:
«Այդ
պարտությունից հետո «Ռեալն» երկու հանդիպում է անցկացրել «Բարսելոնի» դեմ,
որոնցից մեկն ավարտել է ոչ-ոքի հաշվով, իսկ մյուսում հաղթել է:
Եզրափակչում Մոուրինյոն Պեպեին օգտագործեց դաշտի կենտրոնում, ինչր «կարճ
միացում» առաջացրեց կատալոնցիների մոտ»:
«Մանչեստրի»
գլխավոր մարզիչը գովեստի խոսքեր ասաց Ռոնալդուի հասցեին, որի խփած գնդակը
որոշիչ դեր խաղաց վերջին կլասիկոյում. «Գլխով նրա հարվածը հիանալի էր,
չնայած շատ եմ տեսել նման հարվածներ նրա կատարմամաբ: Այս գոլը նման էր մեզ
հետ «Ռոմայի» դեմ խփածին: Սկզբում մտածեցի, որ դարպասապահը կարող էր
ավելի հաջող արձագանքել, բայց հետո համոզվեցի, որ հարվածի ուժգնությունը
այլ ելք չէր թողնում: Մեսսին թե Ռոնալդուն… Երկուսն էլ հզոր ֆուտբոլիստներ
են, բայց Ռոնալդուն ավելի հարազատ է ինձ»:
«Նա
ամբողջ խաղի ընթացքում մեծ վտանգ էր ներկայացնում «Բարսելոնի» համար, այդ
պատճառով մեծ հսկողության տակ էր: Համոզված չեմ, որ շատ ոգևորված կլինեմ
եզրափակչից առաջ, եթե մրցակիցների շարքում լինի Ռոնալդուն: Բայց դեռ պետք է
հաղթենք «Շալկեին» ու հասնենք այս խաղին»:
Խոսելով
իր մրցակցի`գերմանական «Շալկե 04»-ի մասին`Ֆերգյուսոնը խոստովանեց, որ
իրենք պատրաստվում էին ձեռք բերել Ռաուլին, սակայն քանի որ թիմում էին
արդեն Ռունին, Բերբատովը, Օուենը, ճիշտ համարեցին դեռ չմտածել նրա մասին:
«Եթե մեր կազմում չունենաինք Օուենին, անկասկած կփորձեինք գնել Ռաուլին»:
| 
