Իսլանդիայում մեկնարկած ֆուտզալի Եվրոպայի առաջնության նախնական փուլի իր առաջին խաղում Հայաստանը 2-2 խաղաց Հունաստանի դեմ:

Իսլանդիայում մեկնարկեցին ֆուզալի Եվրոպայի առաջնության նախնական փուլի Բ խմբի հանդիպումները: Հայաստանի հավաքականն իր առաջին հանդիպումն անցկացրեց Հունաստանի ընտրանու հետ և գրանցվեց 2-2 հաշիվը: Հայաստանի հավաքականը արդեն 6-րդ րոպեին Արմեն Դանիելյանի դիպուկ հարվածի շնորհիվ առաջ անցավ հաշվի մեջ, սակայն ընդամենը մեկ րոպե անց հաշիվը հավասարվեց: 23-րդ րոպեին արդեն հույներն էին առջևում հաշվի մեջ, սակայն 27-րդ րոպեին Խորեն Զարգարյանի խփած գոլի շնորհիվ խաղն ավարտվեց ոչ-ոքի` 2-2 հաշվով: Այսպիսով, Հայաստանի ընտրանին շատ կարևոր միավոր վաստակեծ խմբի ուժեղագույն հավաքականներից մեկի դեմ խաղում:

Մեր ընտրանու մյուս հանդիպումը տեղի կունենա հունվարի 22-ին, Երևանի ժամանակով 21:00-ին, դաշտի տերերի` Իսլանդիայի հավաքականի դեմ: