18:04 
19.04.2011
«Նապոլիի» կիսապաշտպան Մարեկ
Համշիկը հիասթափվել է, որ իր ակումբը «Ուդինեզեի» հետ խաղում միավորներ
կորցրեց (1:2): Հիմա Նեապոլի ակումբը A սերիայի առաջատար «Միլանից» ետ է
մնում վեց միավորով և մրցաշրջանի հինգ տուրից առաջ երկրորդ տեղն է
զբաղեցնում:
«Ուդինեզեի» հետ հավասար խաղ էր
ընթանում, բայց ընդմիջումից հետո մենք հարձակման անցանք և երկու հակագրոհ
բաց թողեցինք կարճ ժամանակում: Մենք միայն հաղթանակի համար էինք խաղում,
բայց հանդիպումն այլ կերպ դասավորվեց: Թիմը շատ գոլային պահեր կարող էր
ստեղծել մրցակցի դարպասի մոտ, բայց... Ցավալի է, որ Կավանին վրիպեց 11
մետրից, բայց այդպիսի բաներ պատահում են: Հիմա մենք բոլոր ուժերս
կներդնենք, որպեսզի բաց չթողնենք Չեմպիոնների լիգայի ուղեգիրը: Դա մեր
նպատակն է»,-Համշիկի խոսքերն է մեջբերում sport-expess.ru-ն' ըստ Football
Italia-ի:
|
