Ֆուտբոլի Հայաստանի կանանց հավաքականը հաղթանակով է սկսել իր ելույթները 2013թ. Եվրոպայի առաջնության նախնական փուլի երկրորդ խմբում:
Մարտի երեքին Մալթայում կայացած խաղում մեր ընտրանին 1-0 հաշվով հաղթանակ է տարել Ֆարերյան կղզիների հավաքականի նկատմամբ: Հանդիպման միակ գոլը 8-րդ րոպեին խփել է Գայանե Կոստանյանը: Հայաստանի հավաքականը մնացել է 10 հոգով, այն բանից հետո, երբ առաջին կեսի ավելացված ժամանակում խաղադաշտից հեռացվել է Էլեոնորա Դավթյանը:
Խմբի մյուս խաղում մրցաշարը հյուրընկալող Մալթայի հավաքականը նույն 1-0 հաշվով հաղթել է Վրաստանին:
Խմբի երկրորդ խաղը Հայաստանը կանցկացնի մարտի հինգին, երբ կխաղա Վրաստանի ընտրանու դեմ:
