Լա լիգայում 4 և Սուպերգավաթի խաղարկությունում 1 գոլի հեղինակ դարձած արգենտինացի ֆուտբոլիստը «Վալենսիայի» դարպասը գրավում 88.4 րոպեն մեկ:

Լա լիգայի 33-րդ տուրի շրջանակներում «Ռեալն» այսօր հանդիպելու է «Վալենսիային», մի մրցակցի, որի դեմ թիմի հարձակվող Գոնսալո Իգուաինը բավականին արդյունավետ խաղ է ցուցադրում`7 հանդիպման ընթացքում դարձել է 5 գոլի հեղինակ: Այսօր «Մեստալյա» մարզադաշտում արգենտինացին կարող է բարելավել վալենսիացիների հետ կապված իր գոլային ցուցանիշը:

«Վալենսիայի» դեմ անցկացրած յոթ հանդիպումներում`442 րոպեի ընթացքում, Իգուաինը 5 գնդակ է ուղարկել մրցակցի դարպասը: Այսինքն, ստացվում է, որ նա արդյունքի է հասնում ամեն 88.4 րոպեն: Այդ գնդակներից 4-ը խփել է Լա լիգայի խաղերում, իսկ մյուսը 2008թ.-ի Սուպերգավաթի հանդիպմանը: Այս ցուցանիշները դեռ կարող են բարելավվել, եթե արգենտինացի գոլահարին հաջողվի կրկին գոլի հեղինակ դառնալ: Վերջին անգամ նա հաջողության էր հասել վնասվածքից ապաքինվելուց հետո`ապրիլի 2-ին:

Իգուաինը առաջին անգամ «Վալենսիայի» դեմ խաղացել է 2007թ.-ի ապրիլի 21-ին, սակայն խաղադաշտում անկացնելով 65 րոպե`Պիպիտան այդպես էլ չկարողացավ արդյունքի հասնել: Վալենսիական ակումբի դարպասը ուղարկած առաջին գնդակը գրանցվեց 2008թ.-ի դեկտեմբերի 20-ին`նրանց դեմ անցկացրած երրորդ խաղին, ինչի շնորհիվ «Ռեալը» սեփական հարկի տակ առավելության հասավ «Վալենսիայի» դեմ: Այս գնդակով սկսվեց «Վալենսիայի» դարպասն ուղարկած Իգուաինի կարևոր գոլերի շարքը, որոնց թվում է, օրինակ, անցած մրցաշրջանի «Մեստալյա» մարզադաշտում կայացած խաղին խփած գոլը, որը և հաղթանակ պարգևեց հյուրերին (2-3):

Այսպիսով, վալենսիացիների համար գոլային վտանգ հանդիսացող արգենտինացին կարող է ավելի տպավորիչ դարձնել իր ցուցանիշներն ու կրկին գնդակ խփել`արդարացնելով երկրպագուների սպասելիքները: