Կասիլյասը, Արբելոան ու Կառվալյուն խաղից հետո մեծ ուրախությամբ պատասխանեցին լրագրողների հարցերին:
ԿԱՍԻԼՅԱՍ.
«ՄԵզանից շատ ժամանակ պահանջվեց մեր ուրույն տեղը նորից զբաղեցնելու համար, այն տեղը, որտեղ որ շատերն էին ուզում մեզ տեսնել, հատկապես մադրիդիստները: Այս խաղերը շատ բարդ են լինելու, բայց «Ռեալ Մադրիդը» պատրաստ է հաղթել դիմակայությունում: Մենք դա կարող ենք»:
«Մեր խաղերը «Բարսելոնայի» հետ շատ վառ ու գեղեցիկ են լինելու: Հիմա մենք պետք է կենտրոնանաք նրանց դեմ առաջնության խաղի վրա, քանի որ մոտակա խաղը դա է: Այս խաղը շատ տարբեր է լինելու կիսաեզրափակիչում սպասվող խաղերից»:
«Ես այս թիմի ավագն եմ, ու միայն այն, որ ասեի, թե շաբաթ օրը կայանալիք կլասիկոն նշանակություն չի ունենա, մեծ վիրավորանք կլիներ մադրիդիստների համար: Մենք ուզում ենք շաբաթ օրը հաղթել Կլասիկոյում ու վաստակել միավորներ, քանի որ առաջնությունը դեռ շարունակվում է: Այն կորած չէ»:
ԱՐԲԵԼՈԱ.
«Մենք ուզում ենք հաղթել Լա լիգան, արքայական գավաթը ու դուրս գալ ՉԼ-ի եզրափակիչ: ես գիտեմ, որ «Բարսելոնան» ուժեղ թիմ է ու բարդ է լինելու, բայց մենք նրանցից չենք վախենում` թե´ մեկխաղյա, թե´ երկխաղյա դիմակայություններում: Մենք ամեն ինչ կանենք հաղթելու համար»:
ԿԱՌՎԱԼՅՈՒ.
«Այսօր մենք շատ լուրջ խաղ խաղացինք, քանի որ անգլիական թիմերը երբեք չեն հանձնվում: Ինձ համար կարևոր էր խուսափել որակազրկումից, բայց ես գլխավերևումս տեսա դեղին քարտ ամբողջ խաղին կատարածս միակ խախտման ժամանակ: Վերջում միշտ մտածում ես, որ կարող էիր և խուսափել որակազրկումից»