Իտալիայի գավաթի կիսաեզրափակիչ առաջին հանդիպմանը, Միլանն ու Պալերմոն բաժանվեցին խաղաղությամբ:
Միլանյան գրանդն արդեն 4-րդ րոպեին կարողացավ Զլատան Իբրահիմովիչի գոլի շնորհիվ (նրա որակազրկումը չի տարածվում գավաթային հանդիպումների վրա) առաջ անցնել մրցակցից, սակայն տաս րոպե անց՝ Պաստորեն հավասարեցրեց հաշվիվը: Հանդիպման 52-րդ րոպեին, հյուրերին առաջ մղեց Աբել Էրնանդեսը, սակայն դաշտի տերերը կարողացան 76-րդ րոպեին վերջնական հավասարություն մտցնել հաշվի մեջ. աչքի ընկավ Ուրբի Էմանուելսոնը:
Այս զույգի հաղթողն, որն իրավունք կստանա հանդես գալ եզրափակչում, կորոշվի Պալերմոյի «Ռենցո Բարբերա» մարզադաշտում:
Հիշեցնենք, որ մյուս զույգի՝Ռոմա-Ինտեր դիմակայությունում, միլանյան ակումբը, հյուրընկալվելիս, առավելության է հասել 0-1 հաշվով:
Հավելենք, որ պատասխան հանդիպումները կայանալու են մայիսի 10-ին և 11-ին:
