|
Անգլիայի հավաքականի գլխավոր մարզիչ Ֆաբիո Կապելլոն հայտարարել է, որ
մինչ Մոուրինիոն, Մադրիդի Ռեալի ղեկավարությունն դիմել էր իրեն, որպեսզի
գլխավորի Արքայական ակումբը, ինչը սակայն չի ընդունվել իր կողմից:
«Անցյալ տարի կարող էի գնալ Մադրիդի Ռեալը, սակայն ռիսկային էր
վերադառնալ այնտեղ, քանի որ եթե չհաղթեի ինչ-որ բան՝ կլիներ մեծ
հիասթափություն»,- մասնավորապես ասել է Ֆաբիո Կապելլոն:
Այս հայտարարությունը ինքնին հետաքրքրական է, սակայն այն ավելի մեծ հնչեղություն է ստանում, եթե հաշվի առնենք, որ Մոուրինիոն
էլ իր հերթին էր վերջերս նշել, թե Չելսին թողնելուց հետո իրեն առաջարկվել
էր ստանձնել Անգլիայի հավաքականի գլխավոր մարզչի պաշտոնը, որն ի վերջո զբաղեցրեց Կապելլոն:
Հատկանշական է, որ Կապելլոն, Մոուրինիոյի այդ հայտարարությունից հետո, պատասխանել էր նրան՝ նշելով, որ ինքը չի սիրում խոսել, թե այս կամ այն ակումբը հրավիրել է իրեն, քանի որ դա հարգանքի հարց է:
|
