|
Դոնեցկի Շախտյորի բրազիլացի ֆուտբոլիստ Դուգլաս Կոստան, այս
մրցաշրջանում անցկացրած իր վստահ խաղով, եվրոպական շատ ակումբների
ուշադրություն է իր վրա սևեռել, որոնց թվում է նաև իտալական Նապոլին:
«Հանքափորների» գլխավոր մարզիչ Միրչա Լուչեսկուն, անդրադառնալով
Նապոլիի՝ Կոստայի նկատամամբ ունեցած հետաքրքրությանը՝ նշել է, որ եթե
ցանկանում են իր ֆուտբոլիստին, այդ դեպքում նրա փոխարեն, թող իրեն տան
իտալական ակումբի ուրուգվայցի հարձակվող Էդիսոն Կավանիին:
«Այս տարի Կոստան շատ լավ է հանդես գալիս: Նրա խաղը շարունակ զարգացում է
ապրում, սակայն չեմ կարծում, որ Նապոլին նրա համար կտա 20 միլիոն: Ինձ էլ
դուր է գալիս Կավանին: Եթե նրան ինձ տան, ես էլ նրանց կտամ Կոստային»,-
ասել է Լուչեսկուն RadioKisskiss-ին:
|
