Երեկվա հաղթանակից հետո Մարսելոն նախընտրեց դեռ չխոսել «Բարսելոնի» դեմ կիսաեզրափակիչ հանդիպումների մասին`նշելով, որ այժմ կարևորը Լա լիգայի շրջանակներում կայանալիք շաբաթօրյա կլասիկոն է: 

«Հիմա պետք է կենտրոնանանք առաջնության հանդիպման վրա, իսկ հետո, երբ մոտենա կիսաեզրափակչի առաջին հանդիպման օրը, կսկսենք մտածել այդ խաղի մասին»,-ասել է Մարսելոն «Տոտենհեմի» դեմ տարած վերջնական հաղթանակից և կիսաեզրափակչի ուղեգիրը պաշտոնապես նվաճելուց հետո: 

Բրազիլացին ընդգծեց, որ անգլիական ակումբի դեմ հանդիպումը բավականին բարդ էր վերահսկել`հատկապես խաղի սկզբում, և իրենցից մեծ ջանքեր պահանջվեց մրցակիցին զսպելու և գնդակից զրկելու համար: «Առաջին 15 րոպեները շատ կարևոր էին խաղի մնացած մասը վերահսկելու առումով: Մենք հաջող գործեցինք, քանի որ կենտրանացած էինք ու լավ գիտեինք մեր անելիքը»: 

Այսպիսով «Տոտենհեմի» նկատմամբ տարած 5-0 խոշոր հաշվով հաղթանակը 8 տարի ընդմիջումից հետո ապահովեց «Ռեալի» մասնակցությունը Չեմպիոնների լիգայի կիսաեզրափակիչ փուլում: