Չնայած նրան, որ Պեպ Գվարդիոլան
այսօր հանգստի հնարավորություն էր տվել իր ֆուտբոլիստներին, այդուհանդերձ
Պույոլը, Միլիտոն և Աբիդալը ցանկություն հայտնեցին մարզվել: Բացի նրանցից
մարզմանը ներկա էին նաև Մասկերանոն, Բոյանն ու Տիագոն, որոնք մարզվում էին
մարզասրահում:
Կիրակի օրը կայացած վերականգնողական
մարզումից հետո, Բարսելոնայի ֆուտբոլիստները հանգստի հնարավորություն էին
ստացել մինչև վաղն առավոտյան: Սակայն որոշ խաղացողներ օգտվեցին ընձեռնված
հնարավորությունից և մարզվելու ցանկություն հայտնեցին, որպեսզի 100% - ով
պատրաստ լինեն Կոպա Դել Ռեյի եզրափակչին:
Պինտոն և Միլիտոն մարզվում էին սովորականի պես
Խոտածածկի վրա մարզվում էին Միլիտոն և
Պինտոն, ով թիմի հիմնական դարպասապահն է եղել Կոպա Դել Ռեյի ընթացիկ
խաղարկության հանդիպումներում և հնարավոր է, որ դարպասում տեղ զբաղեցնի նաև
առաջիկա խաղում:
Անկասելի Պույոլը
Պույոլը, ով մասնակցել էր նախորդ Էլ
Կլասիկոյին և ով ներկա էր եղել վերականգնողական մարզմանը, որը կայացել է
կիրակի օրը, կրկին վերականգնողական աշխատանքներ էր կատարում: Կիրակի օրը`
մամլո ասուլիսի ժամանակ, նա հայտարարեց, որ կհետևի իր ապաքինմանը, որպեսզի
տեսնի` կկարողանա արդյոք մասնակցել առաջիկա Էլ Կլասիկոյին:
Խոտածածկի վրա էր նաև Էրիկ Աբիդալը, ով,
ինչպես միշտ, մի քանի ֆիզիկական վարժություններ կատարեց: Սակայն այս անգամ
նա նաև վարժություններ կատարեց գնդակով:
| 
