|
Մախաչկալայի Անժիում հանդես եկող հանրահայտ Ռոբերտո Կառլոսն իր կարծիքն
է արտահայտել Մադրիդի Ռեալի և Բարսելոնայի ֆուտբոլիստներ Քրիստիանո
Ռոնալդոյի և Լիոնել Մեսսիի վերաբերյալ: Բրազիլացին կասկածի տակ չի առնում
Մեսսիի տաղանդը, սակայն գտնում է, որ Ռոնալդոն ավելի մեծ նշանակություն
ունի իր թիմի համար:
«Ինձ դուր է գալիս Մեսսիի խաղաոճը, սակայն գտնում եմ, որ Ռոնալդոն ավելի
որոշիչ դեր ունի իր թիմի արձանագրած արդյունքներում: Մեսսին իր թիմում
շրջապատված է համապատասխան խաղացողներով, սակայն Ռեալն ավելի շատ է
կախվածության մեջ Ռոնալդոյից: Դրա համար գտնում եմ, որ Ռոնալդոն՝ Ռեալի
համար, ավելի առանցքային ֆուտբոլիստ է, քան Մեսսին՝ Բարսայի»,- մեջբերում է
Կառլոսի խոսքերը Marca-ն:
|
