Միջազգային լրատվամիջոցները կարծում են, որ Պեպեի ՉԼ-ի կիսաեզրափակիչում ստացած կարմիր քարտը անարդարացի էր:

L'Equipe (Ֆրանսիա)
Խաղում ամենամեծ սխալը Պեպեի հեռացումն էր:

Պիտ Ջենսոն, անկախ քաղաքագետ (Մեծ Բրիտանիա)
«Պեպեին ցույց տվեցին քարտ Դանի Ալվեշի դեմ պայքարում, և այդ քարտը կարմիր էր` դեղինի փոխարեն»:

Daily Mirror (Մեծ Բրիտանիա)
«Ռեալի» պաշտպան Պեպեն հեռացվեց խաղադաշտից 61-րդ րոպեում: Նա ստացավ կարմիր քարտ, սակայն նման պարագաներում ցույց են տալիս դեղին քարտ, այն էլ վատագույն դեպքում: «Բարսելոնայի» ֆուտբոլիստ Դանի Ալվեշը ընկավ և նրա խաղընկերները միանգամից գայլերի ոհմակի նման շրջապատեցին մրցավարին և նրանից պահանջեցին կտրուկ գործողությունների գնալ, իսկ վերջինս էլ վախեցած ցույց տվեց կարմիր քարտ»:

Յակոպո Ջերնա, Gazzeta dello (Իտալիա)
«Կտրուկ կարմիր քարտ Պեպեին 61-րդ րոպեին, և նա հեռացավ խաղադաշտից: Նա ստացավ կարմիր քարտ, բայց նման պարագաներում միշտ այլ պատիժ է հասնում ֆուտբոլիստին»:

L'Equipe (Ֆրանսիա)
«Խաղի ժամանակ եղած սխալներից ամենանկատելին Պեպեի հեռացումն էր»:

Marca (Իսպանիա)
«Պեպեի կարմիր քարտը «Ռեալին» արդեն չորրորդ անգամ 10 հոգով թողեց «Բարսելոնայի» դեմ»:

AS (Իսպանիա)
«Շտարկի ամենամեծ սխալը նրանում էր, որ նա Պեպեին ցույց տվեց կարմիր քարտ, երբ նման դեպքերում դեղին են ցույց տալիս»:

El Mundo (Իսպանիա)
«Եվս մեկ անգամ «Ռեալը» մնաց 10 հոգով «Բարսելոնայի» դեմ Պեպեի և Ալվեշի բախումից հետո: Պեպեն ստացավ կարմիր քարտ, սակայն նման դեպքերում դեղին քարտն էլ է բավարար լինում»:

ABC (Իսպանիա)
«Պեպեն ստացավ կարմիր քարտ, այնինչ նման պարագաներում դեղին են ցույց տալիս: Մրցավարը «սպանեց» հանդիպումը մեկ որոշմամբ: Նա քանդեց «Ռեալին»: Պեպեի հեռացումից հետո «Բարսելոնան» կարողացավ օգտվել «Ռեալի» բաց թողնված եզրերից և խփեց երկու անպատասխան գնդակ»:

La Gaceta (Իսպանիա)
«Գերմանիայի վատագույն մրցավար Շտարկը հեռացրեց Պեպեին և փչացրեց կիսաեզրափակիչը»:

El Pais (Իսպանիա)
«Պեպեն փորձում էր փակել Ալվեշին, բայց այդ ժամանակ Վոլֆանգ Շտարկը կարծելով, թե Պեպեն խախտել է կանոնները շատ կոպիտ ձևով ցույց տվեց կարմիր քարտ այն պարագայում, երբ սովորաբար դեղին են տալիս, և հեռացրեց նրան խաղադաշտից»: