|
Մադրիդի Ռեալի գլխավոր մարզիչ Ժոզե Մոուրինիոն, Բարսելոնայի հետ
հանդիպումից հետո կայացած մամլո ասուլիսում, քննադատության է ենթարկել նաև
կատալոնյան ակումբի գլխավոր մարզիչ Պեպ Գվարդիոլային: Նա կրկին խոսել է
Բարսելոնայի անարդարացի հաղթանակի մասին և նշել, որ Գվարդիոլայի փոխարեն
ինքը կամաչեր՝ նման հաղթանակներ տոնելու համար, տեղեկացնում է AS-ը:
«Ես երկու անգամ հաղթել եմ Չեմպիոնների լիգայում, որոնց հասել եմ
խաղադաշտում: Առաջին անգամ, այս մրցաշարում, ես հաղթել եմ Պորտոյի հետ: Այն
ներկայացնում է մի երկիր, որը սովորաբար չի հաղթում այդպիսի մակարդակում:
Հետո ես հաղթեցի Միլանի Ինտերի հետ, որը 50 տարի չէր հասել այդպիսի
արդյունքի: Այդ հաղթանակները ձեռք են բերվել խաղադաշտում համապատասխան խաղի
շնորհիվ: Գվարդիոլան՝ ֆանտաստիկ մարզիչ է, սակայն նա մեկ անգամ հաղթել է
Չեմպիոնների լիգայում, որով ես կամաչեի: Նա այն ճանապարհին է, որ ևս մեկ
անգամ տոնի հաղթանակ այս մրցաշարում, որով ես կրկին կամաչեի: Ես հարգում եմ
Գվարդիոլային, քանի որ մենք միշտ լավ հարաբերություններ ենք ունեցել: Ես
կարծում էի, որ նրան կարող եմ դիմել «դու»-ով, սակայն սխալվել եմ: Նրան
ցանկանում եմ, որ հաղթի Չեմպիոնների լիգայում՝ առանց սկանդալների»,- նշել է
Մոուրինիոն:
|
