|
Մադրիդի Ռեալի գլխավոր մարզիչ Ժոզե Մոուրինիոն, Տոտենհեմի նկատմամբ
տոնած հաղթանակից հետո (1-0), խոսել է ՉԼ-ի կիսաեզրափակիչ փուլում,
Բարսելոնայի հետ կայանալիք դիմակայության մասին:
«Տեսնենք, թե ինչպես կընթանան այդ հանդիպումները: Մենք ունենք
հավակնություններ, որպեսզի հաղթենք Բարսելոնային, սակայն կիսաեզրափակիչը
մնում է կիսաեզրափակիչ և կարող է պատահել ամեն ինչ: Այժմ դեռ վաղ է մտածել
կիսաեզրափակչի մասին, քանի որ դրանից առաջ, առաջնությունում և Իսպանիայի
գավաթի շրջանակներում, երկու անգամ պետք է խաղանք Բարսելոնայի դեմ»,- ասել է
Մոուրինիոն:
Պորտուգալացի մասնագետն իր կարծիքն է արտահայտել նաև ՉԼ-ի կիսաեզրափակչի
մյուս զույգի դիմակայության մասին և նշել, որ ֆավորիտ է համարում
Մանչեսթեր Յունայթեդին:
«Սպասում եմ, որ Մանչեսթեր Յունայթեդը կհաղթի Շալկեին, քանի որ նրանք
ունեն ավելի ուժեղ կազմ, ինչպես նաև այդ թիմն այլ մակարդակի է: Մանչեսթեր
Յունայթեդը վստահ է հանդես գալիս վճռական խաղերում»,- մեջբերում է
Մոուրինիոյի խոսքերը Goal.com-ը:
|
