Մադրիդի Ռեալի գլխավոր մարզիչ Ժոզե Մոուրինիոն, ով իր առաջին տիտղոսը նվաճեց Արքայական ակումբի հետ, Իսպանիայի գավաթի եզրափակչի՝ Բարսելոնայի հետ կայացած հանդիպումից հետո նշել է, որ գրանցված արդյունքը իրատեսական է:

«Մենք արժանի ենք այս հաղթանակին: Ողջ թիմը լավ լավ աշխատեց, չնայած խաղը կարող էր միանգամայն այլ կերպ դասավորվել: Մենք ունեինք լավ հնարավորություններ առաջին խաղակեսում, իսկ Բարսելոնան՝ երկրորդում: Սակայն մենք ցույց տվեցինք բնավորություն և հասանք մեր ուզածին: Վստահ եմ, որ Ռեալը, ֆիզիկական և հոգեբանական տեսանկյունից, ավելի լավ տեսք ուներ»- մեջբերում է Մոուրինիոյի խոսքերը AS-ը: