|
Մադրիդի Ռեալի գլխավոր մարզիչ Ժոզե Մոուրինիոն կրկին անդրադարձել է այն
խոսակցություններին, թե ինքը կարող է հեռանալ Արքայական ակումբից և
վերադառնալ Իտալիա: Նա նշել է, որ նման խոսակցությունները չեն
համապատասխանում իրականությանը և ինքը մտադիր չէ լքել Ռեալը:
«Ես երջանիկ եմ, քանի որ աշխատանքս փոխհատուցվում է: Նաև տեսնում եմ, որ
այն մարդիկ, որոնց հետ համագործակցում եմ, ցանկանում են ունենալ նույն
ուղղվածությունը, որը ես ունեմ: Սովորաբար ես խաղաղ եմ և միշտ հավակնոտ:
Այստեղ միայն մեկ տարվա համար չենք, այլ ավելի շատ»
«Ամեն անցնող օր, ինձ ավելի լավ եմ զգում, որ աշխատում եմ այս
ակումբում: Նորությունները, որոնք գալիս են Իտալիայից, չունեն որևէ հիմք»
«Իմ թիմերը, սովորաբար, ավելի ուժեղ են երկրորդ տարում և խոստանում եմ,
որ կաշխատեմ ջանասիրաբար, որպեսզի այն իրականություն դառնա նաև Ռեալում:
Վստահ եմ, որ հաջորդ մրցաշրջանում, Ռեալը կլինի ավելի ուժեղ»,- նշել է
Մոուրինիոն:
|
