Ժոզե Մոուրինյոն անկեղծ խոսեց իր ապագայի մասին, բացի այդ էլ քննարկեց առաջիկա խաղը:
«Ես
ուրախ եմ, որ մեր աշխատանքը տալիս է իր արդյունքները, ու որ մարդիկ ճիշտ են
համարում այն ուղղությունը, որը ես ընտրել եմ: Ես միշտ հանգիստ եմ ու չեմ
ուզում կորցնել ամբիցիաներս: Մենք այստեղ ենք ոչ թե մեկ տարվա, այլ մի քանի
տարվա համար: Ամեն մի նոր օր, որ անցկացնում եմ «Ռեալի» հետ, ինձ ստիպում է
ավելի լավ զգալ: Իտալիայից եկող ցանկացած նորություն սուտ է, ու ես
ցանկանում եմ շարունակել հանգիստ աշխատել այստեղ: Մենք այստեղ ենք լինելու
նաև գալիք միջմրցաշրջանում ու շարունակելու ենք կատարել մեր աշխատանքը: Իմ
թիմերը հիմնականում ավելի լավ են խաղում երկրորդ տարում, ու ես ամեն ինչ
կանեմ, որ այստեղ եմ այդպես լինի: Վստահ եմ, որ «Ռեալը» երկրորդ տարում
ավելի լավը կլինի»:
«Վնասված
խաղացող ունենալը միշտ էլ վատ լուր է թիմի ու մարզչի համար: Մենք ուրախ
ենք, որ նա ծանր վնասվածք չունի, բայց աբսուրդային են այն
խոսակցությունները, թե նա էլ չի խաղա այս մրցաշրջանում: Նա վաղը չի խաղա,
չի խաղա նաև չորեքշաբթի, այդ երկու խաղերում, երաշխավորում եմ, նա չի խաղա,
բայց մենք հույս ունենք, որ նա հնարավորինս շուտ կվերադառնա»:
«Լասը
բաց է թողել վերջին խաղը, իսկ Գրաներոն խաղացել է 20 րոպե: Գրաներոն միշտ
էլ լավ է արձագանքում: Մենք մի քիչ տխրել ենք, որ Խեդիրան չի խաղա, բայց
մեր թիմը այնպիսին է, որ նրան փոխարինողներ կգտնվեն»:
«Բարսելոնան»
ֆանտաստիկ թիմ է, որը հաղթել է շատ տիտղոսներ, բայց նրանք Եվրոպայի
չեմպիոնները չեն: Նրանք պարզապես Իսպանիայի չեմպիոնն են ու լավ շանսեր
ունեն դա կրկնել: Բայց միայն նրա համար, որ նրանք պարտվեցին մեզ, չի կարելի
ասել, թե նրանք վատն են: Ես միշտ նույն կերպ եմ արձագանքում դրական ու
բացասական պահերին, ու ես գիտեմ, որ պետք է հանգստություն պահպանենք: Մենք
հաղթեցինք պատմական գավաթ շատ ուժեղ ու արժանի մրցակցի հետ խաղում: Բայց
բացի սրանից ես միշտ կհիշեմ, թե ինչ ճանապարհ ենք անցել մինչև այս
հաղթանակը, քանի որ մենք հաղթել ենք «Լևանտեին»` Լա Լիգայի թիմերից մեկին,
«Ատլետիկոյին»` գործող փոխգավաթակրին, ու «Սևիլիային»` գործող գավաթակրին:
Նաև միշտ կհիշեմ նախագահի հետ ջերմ գրկախառնությունը»:
|
