«Մենք երիտասարդ թիմ ենք առանց մեծ փորձի: Այս նախագիծը դեռ կառուցման փուլում է, բայց ես միևնույն է մտածում եմ, որ մեզ համար նորմալ է կիսաեզրափակիչ դուրս գալը, քանի որ այն միշտ եղել է այս ակումբի պատմության մի մասը»:
«Բարսելոնայի» հետ մեր 4 խաղերից յուրաքանչյուրը տարբեր է լինելու: Չեմ կարծում, թե դրանք ազդեն մեկը մյուսի վրա: Իմ կարգախոսը շատ պարզ է` խաղալ նախ մեկ խաղը, իսկ դրանից հետո նոր նախապատրաստվել մյուսին: Վաղը ես մտածելու է առաջնության կլասիկոյի, այլ ոչ թե գավաթային եզրափակչի մասին»:
«Դուք պետք է լրագրողներից հարցնեք, թե արդյոք մենք հասել ենք մեր նպատակին, քանի որ նրանք այնքան են հետաքրքրվում ու կարծիք հայտնում մեր խաղերի մասին: Ես լավ գիտեմ ֆուտբոլը. դու ոչ մի բան չես ունենում, եթե չես հաղթում: Ահա թե ինչու բավարար չէ Գավաթի խաղարկության եզրափակիչ ու ՉԼ-ի կիսաեզրափակիչ դուրս գալ: Դու ինչ-որ ուրիշ բանի կարիք էլ ունես»:
«Ես կորակազրկվեի, եթե փորձեի խաղացողներից ոմանց զերծ պահել որակազրկումից: Ես չուզեցա դա անել «Բեռնաբեուում» 4-0 հաղթելուց հետո: Մենք ամենաշատը անհանգստանում էինք նրա համար, որ մեր 3 պաշտպաններ կախված էին դեղին քարտերից: Առաջին խաղում ես չէի հայտավորել Ալբիոլին, այդ խաղում որակազրկվեց Պեպեն, իսկ հիմա էլ Կառվալյուն բաց կթողնի առաջին կիսաեզրափակիչ խաղը: Բայց նա կվերադառնա պատասխան խաղում: Որոշ մարզիչների գնում են իրենց խաղացողներին որակազրկումից ազատելու քայլին, ոմանք` ոչ»:
«Միայն «Ռեալի» նախագահ Ֆլորենտինո Պերեսը կարող է վերջ դնել «Միլանի» երազանքներին Ռոնալդուին գնելու համար: Նա անկրկնելի խաղացող է, ում բացը, կարծում եմ, ոչ մեկ ի վիճակի չէ լրացնել, բայց վերջնական խոսքը «Ռեալի» նախագահինն է»:
