Իտալական Նապոլիի ղեկավարությունն ընդառաջ կգնա թիմի ուրուգվայցի հարձակվող Էդիսոն Կավանիի խնդրանքին և կբարձրացնի նրա աշխատավարձը:

Football Italia-ն հայտնում է, որ ֆուտբոլիստի ներկայիս աշխատավարձը կազմում է տարեկան 1.8 միլիոն եվրո, մինչդեռ Կավանին ցանկանում է ստանալ երեք միլիոն: Աղբյուրը հայտնում է, որ ակումբը կփորձի իջեցնել Կավանիի ցանկացած գումարի չափը, սակայն, միաժամանակ, ամեն ինչ կանի, որպեսզի ձեռք բերի համաձայնություն ֆուտբոլիստի հետ:

Նշվում է նաև, որ պայմանագիրը նախատեսված է կնքել մինչև 2016 թ., որի մեջ կլինի մի կետ, համաձայն որի, եթե ֆուտբոլիստի տրանսֆերը ցանկանա գնել որևէ ակումբ, ապա պետք է վճարի 50 միլիոն եվրո փոխհատուցում: