Անգլիական News of the World թերթի տեղեկությունների համաձայն, Մադրիդի Ռեալի գլխավոր մարզիչ Ժոզե Մոուրինիոն, նշանառության տակ է առել Մանչեսթեր Յունայթեդի պորտուգալացի հարձակվող Նանիին: Նշվում է, որ Special One-ը հավատում է, թե Նանին կարող է օգտակար լինել Արքայական ակումբին:

Աղբյուրը նշում է, որ Ռեալի ղեկավարությունը պատրաստ է պորտուգալացու համար առաջարկել մինչև 28 միլիոն եվրո:

Հավելենք, որ պորտուգալացիները բավական ծանրակշիռ տեղ ունեն ներկայիս Ռեալում: Մոուրինիոն և նրա օգնականներից չորսից երեքը՝ պորտուգալացի են, այդ երկրից են նաև հիմնական կազմի առաջատար ֆուտբոլիստներ Ռոնալդոն, Պեպեն և Կառվալյոն: