|
Չեմպիոնների լիգայի կիսաեզրափակչի՝ Ռեալ-Բարսելոնա առաջին հանդիպման
միջադեպերի առիթով, ՈւԵՖԱ-ի կարգապահական կոմիտեն գործեր է հարուցել այդ
ակումբների նկատմամբ, տեղեկացնում է համաեվրոպակայն ֆուտբոլային այդ
կառույցի պաշտոնական կայքը:
Մադրիդի Ռեալի նկատմամբ հարուցված գործի մեջ մտնում է երկրպագուների
կողմից խաղադաշտ նետված առարկաների միջադեպը, խաղադաշտ՝ այլ անձանց
ներխուժումը, Պեպեի կարմիր քարտը, Մոուրինիոյի հեռացումը, ինչպես նաև
պորտուգալացի մասնագետի արտահայտած մտքերը՝ հետխաղյա մամլո ասուլիսի
ընթացքում:
Բարսելոնայի նկատմամբ հարուցված գործն իր մեջ ներառում է կատալոնյան ակումբի երկրորդ դարպասապահ Խոսե Պինտոյի կարմիր քարտը:
Նշվում է, որ ՈւԵՖԱ-ի կարգապահական կոմիտեն այդ գործերը քննելու է մայիսի 6-ին:
| 
