Երևանի «Փյունիկի» պատանի ֆուտբոլիստներն այսօր կմեկնարկեն ֆրանսիական «Ստ Ժոզեֆ» ակումբի կազմակերպած միջազգային մրցաշարում: Այն անցկացվում է մինչև 1992թ. ծնված ֆուտբոլիստների միջև:
«Փյունիկն» ընդգրկված է B խմբում, որտեղ մրցակիցներն են Կապե Վերդեին ներկայացուցիչ «Բատուկ» թիմը, Սլովակիայի ներկայացուցիչ «Նիտրան» և ֆրանսիական «Նիմս Օլիմպիկը»:
A խմբում ընդգրկված են Ռուսաստանի ազգային հավաքականը, ֆրանսիական «Հավրը», «Նիսն» ու «Ստ Ժոզեֆը»:
«Փյունիկն» առաջին հանդիպումը կանցկացնի այսօր՝ ապրիլի 23-ին, Երևանի ժամանակով 18:30-ին` «Նիտրայի» դեմ:
Ավելացնենք, որ «Փյունիկն» առաջին անգամ է մասնակցում ներկայացուցչական այս մրցաշարին:
