Քչերին է հաջողսվել վերադառնալ ֆուտբոլային էլիտա ծնկի երկու լուրջ վնասվածքներից հետո: Բայց Ռոնալդոյին դա հաջողվեց, ու նա քիչ հաճելի պահեր չի պարգևել երկրպագուներին, իսկ ամենահիշարժան պահը «Օլդ Թրաֆորդում» ստացած ծափահարություններն էին խփած հեթ-տրիկի համար: Ռոնալդոն «Ռեալի» հետ հաղթել է երկու Լա Լիգա, մեկ միջմայրցամաքային գավաթ ու մեկ Իսպանիայի սուպերգավաթ: Նրա հաջողությունները կհիշեն սերունդներ:
Ռոնալդոն թիմ եկավ 2002 թվականին աշխարհի չեմպիոն դառնալուց հետո, մինչդեռ թիմում արդեն խաղումէին Զիդանի, Կառլոսի, Ֆիգուի ու Ռաուլի պես հայտնություններ: Հարձակվողը իր հավաքականին հաղթանակ պարգևեց Կորեայում ու Ճապոնիայում կայացած մունդիալում, խփելով 8 գոլ, որոնցից 2-ը ամենավճռականն էին` եզրափակչում Գերմանիայի դարպասը:
Նա շատ շուտ համակերպվեց «Ռեալին»` դուբլ գրանցելով դեբյուտային խաղում 2002 թվականի հոկտեմբերի 6-ին «Ալավեսի» հետ խաղում: Նա «Բեռնաբեուի» խոտածածկին հայտնվեց 63-րդ րոպեին ու նրանից միայն մեկ հպում պահանջվեց առաջին գոլը խփելու համար: Նա վարեց գնդակը մրցակցի կիսադաշտում ու գեղեցիկ հարվածով կախեց գնդակը Դուտրուելի վրայով: 14 րոպե անց նա խփեց իր 2-րդ գոլը: Իսպանական ամեն մի թերթի շապիկին մշտապես նրա նկարներն էին, ու դա շարունակվեց այնքան, մինչև որ նա 2006/07 մրցաշրջանում որոշեց տեղափոխվել Իտալիա:
Մի անգամ Ռոնալդոյին շատ լավ բնութագրել է Խորխե Վալդանոն.«Երբ նա գնդակով առաջ է շարժվում միայնակ, տպավորություն է ստեղծվում, որ հսկա ցլերի մի ամբողջ խումբ է հարձակվում թիրախի վրա»: Սա հիանալի բնութագրում է Ռոնալդոյի խաղին, ով «Ռեալի» կազմում հեղինակեց 104 գոլ: