 Մոուրինյոն հակաթույն է գտել «Բարսելոնի» հարձակվողների դեմ, որը օգտագործելու է եզրափակչում:
Առաջին կլասիկոյին կատալոնցիների գրոհները կասեցնելու Մոուրինյոյի մտածած
ծրագիրը ստացված կարելի է համարել Պեպեի շնորհիվ: Պորտուգալացին բոլորից
շատ գնդակներ խլեց «Ռեալի» կազմում(9 անգամ) և կարողացավ վնասազերծել
Մեսսիին`աշխարհի լավագույն գոլահարներից մեկին: Արգենտինացին մեծ
հսկողության տակ էր, ինչի արդյունքում 18 անգամ կորցրեց գնդակը:
«Սան Մամեսում» Մոուրինյոն փորձարկել էր այս մարտավարությունն ու համոզվել
դրա հուսալիության մեջ: Պորտուգալացին լավ էր գիտակցում, որ պետք էր
լուրջ միջոցներ ձեռնարկել «Բարսելոնի»հզոր հարձակման գիծը`Չավիին,
Ինյեստային, Վիլյային, Պեդրոյին, և իհարկե`Լեո Մեսսիին կանգնեցնելու
համար: Եվ Մոուրինյոն որոշեց գլխավոր հանձնարարությունը տալ Պեպեին, որն
արդարացրեց մարզչի սպասելիքները:
Մեսսին 18 անգամ գնդակ կորցրեց «Բեռնաբեուում», իսկ հետո այնքան
նյարդայնացավ, որ ողջ բարկությունն արտահայտեց երկրպագուների ուղղությամբ
ուժեղ հարվածի մեջ: Չնայած Մեսսին այդ խաղում խփեց մրցաշրջանի իր իր 49-րդ
գնդակը, նրա խաղը հաջող որակել չի կարելի:
Պեպեն Պորտուգալիայի հավաքականում արդեն խաղացել էր պաշտպանության
առանցքային գծում, այդ պատճառով կլասիկոյի ընթացքում նա իրեն հարմար էր
զգում դաշտում: Պորտուգալացուն հաջողվեց 9 անգամ գնդակ խլել, մինչդեռ
Ալոնսոյին ու Խեդիրային ամբողջ հանդիպման ընթացքում հաջողվեց ընդամենը
երկուական գնդակ խլել: Մոուրինյոյի մարտավարությունը գավաթային եզրափակչի
համար լավ փորձ էր:
Եվ վերջում առաջարկում ենք դիտել հետևյալ տեսանյութը` Պեպեն ընդդեմ «Բարսայի»:
|
