Մադրիդի "Ռեալի” նախագահ Ֆլորենտինո Պերեսը մրցաշրջանի ընթացքում ցանկանում էր հեռացնել Մոուրինյոյին թիմի գլխավոր մարզչի պաշտոնից, հաղորդում է El Pais-ը:


Բանն այն է, որ Մոուրինյոն շատ զայրացած էր 16-րդ տուրի "Սևիլիայի” հետ խաղից հետո: Պորտուգալացի մասնագետի կարծիքով, մրցավարությունը կամայական էր, և նա հանդերձարանում ակումբի ղեկավարության մի քանի անդամների ասել էր հետևյալը. "Դուք ասում եք, որ սա աշխարհի ամենահզոր ակումբն է, բայց դա այդպես չէ (այնուհետև նա անհարիր արտահայտություններ էր արել): Ես թքած ունեմ նման հզորության վրա: Իսկ այժմ փոխանցեք իմ խոսքերը նախագահին”: 


Երբ Պերեսն իմացել էր այս խոսքերի մասին, իր հերթին ասել էր. "Կան մարդիկ, որոնք մտածում են, թե կարող են աշխատել ամենուրեք, և չեն հասկանում, որ "Ռեալն” աշխարհի ամենահզոր ակումբն է: Ոչ բոլորն են կարող դիմադրել այն ճնշմանը, որ կա մեր ակումբում: Ոմանք նույնիսկ խելագարվում են”:


Մոուրինյոն այս կապակցությամբ պատասխանել էր. "Ես այն մասնագետը չեմ, որին Դուք փնտրել եք, իսկ Դուք այն նախագահը չեք, որին փնտրել եմ ես”:

Լուսանկարը` real-fc.com-ի